Atopan un buraco negro

superpesado 12.000 

millóns de veces maior 

que o Sol.

Un equipo internacional de astrónomos descubriu na constelación de Piscis un buraco negro activo extremadamente grande, equivalente a 12.000 millóns de soles. Trátase do cuásar máis grande e brillante, que xa existía na idade temperá do universo.

Este buraco negro xigante 12.000 millóns de veces maior que o Sol xa cando se orixinou 1.000 millóns de anos despois do Big Bang producía unha cantidade desproporcionada de luz e de enerxía, segundo a investigación publicada na revista 'Nature'.
O descubrimento do cuásar tan brillante pon a proba ás teorías que describen a formación dos buracos negros no universo temperán. " Como podían crecer tan rápido buracos negros supermasivos mentres que o universo era tan xoven? Como interactuar ca galaxia e o medio?
Os científicos observaron que o cuásar era incriblemente antigo: orixinouse aproximadamente 1.000 millóns de anos despois do Big Bang, existindo dende fai uns 12.800 millóns de anos. O cuásar é incriblemente brillante, produce máis luz e outras formas de radiación que 420 trillóns de estrelas similares ó Sol.